Oshiq ohi

Mahmud Toir sheʼriyati lirik kechinma samimiyati, ifoda uslubi xalqona ekani bilan xarakterlanadi. Shuning uchun ham shoirning aksar sherlari qoʻshiqlarga aylanib xalqimiz koʻnglidan joy olgan. Xalq hikmatlariga badiiy jihatdan qayta ishlov berish va ohangning xalqona ekani bilan bogʻliq ijodiy tutimni shoirning oʻzi “Eldan hikmat ziyosini olib, el koʻngliga joylash” tarzida izohlaydi.