📖Америкалик фантаст-ёзувчи Клиффорд Саймакнинг «Гоблинлар қўриқхонаси» романи фентези жанрида яратилган энг ажойиб асарлардан бири ҳисобланади. Унда Ер шарида инсондан анча аввалроқ пайдо бўлган «митти элат» – элфлар, троллар ва гоблинлар қаторида ҳад-ҳудудсиз Коинотнинг кўз илғамас пучмоқларидан келган ва ақл бовар қилмас шакл-шамойиллардаги беҳисоб онгли мавжудотларни учратасиз. Улар иштирокидаги ажойиб-ғаройиб воқеаларнинг шиддат билан ривожланиши эса ўқувчи ақлини шошириб қўяди.
