📖Пардаларинг титради аста,
Ташқарига қарадинг оғир.
Соғиндингми,
Хўрсиндинг,
турдинг
Чирчиқларда ёмғир ёққандир…
Эзгин куйдек чорлади йўллар,
Ёдга тушди бизни суйган боғ.
Сезяпсанми,
Тоғлар юртида
Сенсиз менга тоғ қолмади – тоғ!
Ҳижронларга тўлади хонанг,
Кўзларингдан кўзларим нари.
Бугун чиқдинг
Бу шаштдан бесўз
Ҳайратларда қолди ташқари.
Таниш кўча,
азим тераклар,
Шошиб келдинг, йиллар кутди юз.
Учрашдигу…
Кўзларим куйди,
Нигоҳингда,
Куз эдида,
КУЗ!
