Badiiy adabiyotlar

📖«Беш ташаббус – беш китоб» лойиҳасининг навбатдаги «Компьютер технологиялари ва интернет» йўналиши бўйича Исажон Султон асарлари жамланди. Мазкур китобда йигирмадан ортиқ ҳикоя ва бир қисса ўрин олган. 👉Тўпламдаги ҳар бир асарда компьютер технологияларининг яхши томонлар ва унга муккасидан кетишнинг салбий оқибатлари ҳақида батафсил ва таъсирли қилиб ёритилган 👉Тўплам дунё илм-фанга, маданиятга улкан ҳисса қўшган буюк […]

📗Ўзингизни, умрингизни англашга ёрдам берадиган мутолаа билан табриклаймиз. 📝Фозил Фарҳоднинг ҳикоялари ўқувчини ўйлашга, тафаккур қилишга ундайди. Одамнинг – Олам эканлигини уқтиради. Инсон қалбининг асл моҳиятини англатади. Бу қадим ҳаётнинг қадрини тушунтиради. Ва Инсон дунёда ўз имзосини қолдириш кераклигини такрор-такрор айтади.

📗Олимжон Жуманбоевнинг асарлари ихчам аммо юки оғир. Ўз сўзи ва йўлига эга ушбу ижодкордан келажакда катта асарлар ҳам кутиб қоламиз. 📝Ҳар бир асарнинг жон томири сўз. Йигитни қаҳрамон қилган ҳам, қизни сулув қилган ҳам сўз. Бир сўз билан бутун дунёни ўзгартириб юбориш мумкин. Сўзнинг қудратига бас келадиган бошқа куч йўқ. Олимжон Жумабоёв сўзни чуқур ҳис

📗Ушбу китобдаги ҳикояларидаги қаҳрамонлар билан қадрдон бўлишингизга тилакдошмиз. 📝Шундай одамлар борки, бир марта суҳбатлашганда яхши кўриб қоласан. Дилтортар гурунглари узоқ вақт хотирангда қолади. Дўстларингга ўша одам ҳақида мароқ билан гапириб берасан. Агар яна учрашиб қолсанг, тамом, қадрдонга айланасан қоласан.

📗Бобо Равшаннинг асарларида шу латиф туйғуни яна бир-бор ҳис қиласиз. Унинг барча ёзганларида мунгли куй қулоққа чалиниб туради. Китоб Сиз азиз ўқувчиларга манзур бўлишига ишонамиз. 📝Олис-олислардан дўмбира ва бахшининг бўғиқ овози қулоққа чалинади. Юрагинг жимирлаб кетади. Гўё Алпомиш Бойсун даштларида от чоптириб юргандай, Барчин унга келақол деб чорлагандай. Достон эшитган одам шу кўйга тушиши шубҳасиз.

📝Шеърият – муболағани, оширма гапни кўтариши мумкин. Ерни осмонга олиб чиқиб, фалакни заминга тушириб санъат яратиши мумкин. Аммо, насрда йўл бошқа – қаламкаш бор санъатини ҳақиқат ва мантиқ устига қуришга мажбур. 📗Санжар Турсуновнинг ушбу бир тўплам ва бир ҳўплам қисса ва ҳикоялари ҳаётнинг энг оддий лаҳзаларидан, энг оддий воқеаларидан гўзал картиналар яратгани билан қадрли.

📝Нурилла Чори ўзига хос носирлардан. Унинг асарларида самимийлик, аччиқ киноя, нозик юмор ва табиий жумлалар ўқувчини ўзига ром этади. Ёзувчининг ўқувчи олдидаги вазифаси, масъулияти бор: китобхонни лол қолдириш, ҳайратлантириш, йиғлатиш, ўйлатиш, фикр қилдириш…

📝Яхши асар, завқли мутолаа ўқувчи учун туганмас хазина. Китобхоннинг қалб торларини чертган асар ҳамиша қадрлидир. Умидли ёзувчи Холёр Сафаровнинг асарлари ўзига хослиги, самимий ва софлиги билан ажралиб туради. Ёзувчининг ҳар бир ҳикоясида мана шу софлик, самимийлик бўртиб туради.

📗Азиз китобхон – Сиз учун Қалб ва Ҳаёт ҳақида насрий гулдаста тайёрладик. Сизга манзур бўлади, деган умидимиз бор. 📖Биби Робиа Саидова қалб ва ҳаёт ёзувчиси. Қалбимизда, ҳаётимизда рўй бераётган ҳодисаларни нафис қаламга олади. Мутолаа жараёнида, инсон умр давомида қанча изтиробга тушмасин, бари бир курашиши кераклигини, оқибатда ёруғ кунлар ҳам борлигини ҳис этасиз.

📗Асар қаҳрамонлари бир-биридан ўжар характерга эга одамлардир. Муҳтарам ўқувчи, мутолаа жараёнида ўзингиз бунга амин бўласиз. 📝Жасур Кенгбоев ўзига хос ёзувчи. Унинг ҳар бир ишораю ибораси Ўзбек. Ўзбек бўлганда ҳам дашт ўзбеги. Бироз содда, лекин ёвқур, андак андишали ва анча чўрткесар.

📗Ушбу китобдаги қаҳрамонлар бу кекса дунёнинг қайсидир вазиятларида енгиб кетган, ғалаба қозонган аёллардир. 📝Мард, жасур, қаҳрамон, ғолиб қиёфаларни эслаганда қалбинг ғурурга тўлади. Улар миллатнинг юкини елкасига кўтарган кишилардир. Айниқса, ғолиб инсон нозик хилқат вакиласи бўлса. Гўзалой Солиҳ қизининг ҳикояларида мана шундай ғолиб қаҳрамонлар бисёр.

✍️Маҳкам ушланг бир-бирингизни,Айирмасин қишнинг қорлари.Биродарлик асрайди сизни,Асрар эски ишқнинг зорлари. Ҳазир бўлинг, кетманг тойиниб,Қаттиқ ерни қайириб босинг.Кўнглингизнинг унут ойиниТез-тез эсланг. Хаёли боссин.