Kitoblar

📖Луқмон Бўрихоннинг «Титраётган тоғ» асарида йигирма биринчи асрнинг биринчи ўн йиллигидаги мўъжизаси «Тошкент – Қумқўрғон» темир йўл қурилиши жараёнидаги воқеа ҳодисаларга бадиий бўёқлар орқали ёритилган.

📖 Шўро давридаги зўравонликлар тўғрисида кўплаб асарлар яратилган. Бу китоблар мустабидларнинг маккорлиги ва шафқатсизлигини ишонарли очиб бергани учун ҳам адабиётимиз мулки бўлиб қолди. «Ултонтоз» асарида ҳам яқин ўтмишнинг расвогарчиликлари қаламга олинган. Юртда Алпомиш бўлмаса, ултонтозлар кўпаяди. 📔Ушбу роман ултонтозлардан безган ва Алпомишни соғинган одамлар ҳақида.

📖 ҳикоядан парча: Ўша куни Ҳалима шифохонадаги узун курсиларда дугоналари билан қалдирғочлардай тизилишиб ўтиришганди. Мурод бир тўда йигитлар билан аллақаёқдан келаверди. Ҳаммасининг думоғи чоғ. Осмон узилиб ерга тушмади. Ер чаппа айланмади. Бўрон кўтарилмади. Оламни ларзага солиб, момақалдироқ қарсилламади. Чақмоқ чақмади. Жала қуймади. Фақат Ҳалима – миқтигина, чайир, кўзлари шўхчан, қорачадан келган, истараси иссиқ қиз ўтирган жойида

📖 Таниқли шоир ва таржимон Турсун Алининг «Турналар йўли» номли китоби адабий мақолалар, устоз ижодкорлар ҳақидаги хотиралари, жаҳон адабиётининг ёрқин юлдузлари Иван Бунин, Осип Манделʼ Штам, Борхес ҳақидаги мақолалари ва ижодий суҳбатлар ва ўзига хос афоризмларидан жамланган, даврий матбуотда чоп этилган намуналардан саралаб, китоб ҳолига келтирилган.

👨‍💻 Ўзбекистон халқ шоири, ўзбекнинг забардаст ижодкори Усмон Азим асарлари аслида таърифга муҳтож эмас. Уни билмаган, севиб ўқимаган, ёки қандай даражада бўлмасин, бирор муносабат билдирмаган, эътиборсиз ўқиган китобхон топилмаса керак. Мабодо шундайи топилса ҳам, у адабиётнинг асл мухлиси эмас. Зеро, умрини адабиётга бахшида этиб келаётган, бу йўлда тинимсиз изланган ва изланаётган шоирнинг шеърлари, насрий асарлари,

📖 Ёзувчи Али Ниёзнинг ушбу қиссасида бир инсоннинг руҳий қийноқлари, қувончу изтироблари қизиқарли воқеалар воситасида моҳирлик билан қаламга олинган. Асар ҳаётий лавҳаларга бой. Шунинг учун ҳам мутолаа асносида асар қаҳрамонларини кўргандек, қаердадир суҳбатлашгандек бўлаверасиз. Китоб ана шу жиҳатлари билан ўқувчилар эътиборини қозонади деган умиддамиз.

✍️Сал йироқ кетсам унут бўлгайму деб ҳижронлари, Ҳар кеча чоғланаман оҳу нидонинг дастидан. Шош қолиб Чоршам Самарқанд сори йўлга тушаман, Ё Бухоро бораман ул бевафонинг дастидан.

📖 Муҳаббат. Шу сўз айтилиши билан одамлар бир қалқиб тушадилар. Кимдир бу туйғудан бахтини топганини, бахтиёр эканлигини туйса, кимдир азоб топганини, изтироб чекканини хотирлайди. Муҳаббат, шундай туйғуки, у аввало тоза, соф қалбларга меҳмон бўлади. Кутилмаганда келади, шиддат билан келади. Юракда бир рақслар бошланади, куйлар таралади. Кўзингга ҳамма яхши чиройли бўлиб кўринаверади. Муҳаббат – билиб-билмай бировга яхшилик

📖Ушбу китоб етук шоир, маърифатпарвар моҳир, таржимон зарин қалам хаттот ва рассом Сидқий Хандақлиқий таваллудининг 135 йиллиги муносабати билан нашрга тайёрланди. У шоир ижодидан энг сара намуналари жамланган. ✍️ ёзувчи Асад Асил қаламига мансуб Сидқий Хандақлиқийни ҳаёти ҳақида маълумот берувчи тарихий, бадиий, публицистик романидан таркиб топган. Китоб барча адабиёт ихлосмандларига манзур бўладиган умиддамиз, азиз китобхон.

📖 Ўзингни кашф этиш, шеърият эса, ўзлигини англамоқ ва англатмоқдир. Шеър ёзилмайди, тўқилмайди, худди бола дунёга келгани янглиғ, табиий севимли ва оғриқли рўй беради. Яхши шоир ҳам худди тошқин ё чақин сингари, табиат ҳодисаси, мисол содир бўлади, юз беради. Тозагулнинг шеърлари кишига ана шундай таассурот қолдиради.

📝Энг сара шеърлар жамланмаси ✍️Айтгил, дўстим Бошинг эгиб, таъзим айла, шукрона айт, Сени гулдек эркалаган чаман учун. Осмонларда юрган бўлсанг, тупроққа қайт, Айтгил, дўстим, нима қилдик Ватан учун? Кўзи қора, юраги оқ шу эл учун, Тупроқ учун, шу юрт учун, чаман учун, Улуғ инсон бошлаб берган шу йўл учун, Айтгил, дўстим, нима қилдик Ватан учун?

📖Кавабатани ўқиш учун ҳис-туйғуларингиз сирпанчиқ, ғадир будир йўллардан юришга шай бўлмоғи керак. У кўнглингизнинг энг пучмоқ манзараларида ҳам ғам билан бирга шодликка жой топиб бера олади. Туйғуларингизни боши берк кўчага олиб бориб қўяди, гоҳо зулматни зулмат билан ёритишга уринади. 📝Устоз таржимон Олим Отахоннинг Янусари Кавабатадан маҳорат билан қилган таржималари ёзувчининг, таржимоннинг ва бошқа китобхоннинг икки тильда бирдай яшай олишидан